АҞӘА, цәыббра 7 — Sputnik. Аҳәынҭқарра ахада Бадра Гәынба иусԥҟала Гьаргь Гәлиа "Аԥсны зҽаԥсазтәыз ажурналист" ҳәа аҳаҭыртә хьӡы ихҵоуп, абри атәы аанацҳауеит атәыла ахада ипресс-маҵзура.
Аҳамҭа ианашьоуп амилаҭтә телерадиодырраҭара аҿиара аҿы иааирԥшыз илшамҭақәеи, изанааҭтә еихьӡарақәеи, ажурналисттә еиҿкаарақәеи иареи русеицура азы.
Гәлиа Жәларбжьаратәи аинформациатә гәыԥ "Интерфакс" анаԥхгаҩы хада актәи ихаҭыԥуаҩс, анагӡаратә наԥхгаҩс дыҟоуп.
Иахьа ажурналист иазгәеиҭуеит 60 шықәса ихыҵра.