АҞӘА, цәыббра 8 — Sputnik. Аҟәеи Нижни Новгороди рыбжьара ишиашоу аҳаиреимадара иацҵахоит иҟоу азҿлымҳара иабзоураны. Абри азы аҳәамҭа ҟаиҵеит Нижни Новгород ахада Иури Шалабаев афорум "Аритмқәа рҵакырақәа" рҟны данықәгылоз.
"Ҳара ҳгәы иаанагон раԥхьаӡа аҳаирплан еиҳа имаҷны иҭәлон ҳәа, аха уи даара иҳаракуп. Раԥхьа жьҭаарамзанӡа ҳәа ҳҳәан, аха уажәы аамҭа ацҵара азҵаара ҳазхәыцуеит", — иҳәеит иара.
Шалабаев иажәақәа рыла, Нижни Новгороди Аҟәеи русеицура аҿиара иазҿлымҳауп, аинклиузивтә туризм ахырхарҭалагьы.
2024 шықәса цәыббрамзазы Нижни Новгороди Аҟәеи аиашьаратә еизыҟазаашьақәа рыбжьарҵеит. Лаҵара 29 инаркны рашәара 1 аҟынӡа Аԥсны аҳҭнықалақь аҿы имҩаԥысуан Нижни Новгород амшқәа.
Чкалов ихьӡ зху аҳаирбаӷәазаҟынтәи раԥхьатәи аҳаирплан аҟәатәи аҳаирбаӷәазаҿы итәеит лаҵарамза 13 рзы.