АҞӘА, цәыббра 11 - Sputnik. Аицлабра "Зысасгәашә аарту Аԥсны" ахылаԥшратә хеилак аилазаара шьақәырӷәӷәоуп.
Уи иалахәуп аҳәынҭқарра ахада Иусбарҭа анапхгаҩы Беслан Ешба, Аԥсны аԥыза-министр Владимир Делба, атуризм аминистр Асҭамыр Логәуа, анаплакҩы Валери Кьырҭбаиа, ААУ аректор актәи ихаҭыԥуаҩ Роман Дбар.
Ахеилак аицлабра аобиективреи аилыккареи ирхылаԥшуеит, ихьыԥшым ауаажәларратә хәшьара аиқәыршәара еиҿнакаауеит.
Аицлабра "Аԥсны акоманда" алахәылацәа раԥшьгарала ихацыркхеит нанҳәамза 7 рзы. Уи ареспублика атуристтә индустриа аҿиара иазырхоуп, аҳәынҭқарра ахада иплатформа "Урыстәыла – алшарақәа ртәыла" ацхыраарала анагӡара мҩаԥысуеит.