АҞӘА, цәыббра 11 - Sputnik. Ражьден Гәымба ихьӡ зху Аԥснытәи аҳәынҭқарратә филармониаҿы имҩаԥысит Москва 878 шықәса ахыҵра иазкны аныҳәатә концерт.
Аклассикатә музыка ахәылԥаз дырԥшӡеит Аԥсны жәлар рартистка Нинель Бжьаниеи Аԥсны зҽаԥсазтәыз артистка Гәылиза Аҩӡԥҳаи рфортепианатә дует Piano Duo, Давид Терзиан дирижиорс дызмоу Аҳәынҭқарратә акамертә аоркестри рықәгыларала.
Аусмҩаԥгатә рхы аладырхәит аԥыза-министр Владимир Делбеи атәыла ахада Иусбарҭа анаԥхгаҩы Беслна Ешбеи.
Аконцерт еиҿкаан Аҟәа иҟоу Москва аҩни, Москва Аиҳабыреи, адәныҟаекономикатәии жәларбжьаратәи аимадареи рдепартаменти, Москватәи Аџьынџьуаа рыҩни рыцхыраарала.