АҞӘА, цәыббра 15 - Sputnik. Бадра Гәынба Аԥсны амедицинатә усзуҩцәа аҳаҭыртә хьӡқәа рхиҵеит.
Аҳаҭыртә хьӡы "Аԥсны аҳәынҭқарра зҽаԥсазтәыз аҳақьым" рыхҵоуп:
Тинатин Џьоџьуа, Галтәи асанитар-епидемиологиатә маҵзура аҳақьым-апаразитолог (аџьашықәс — 48 ш.);
Валентина Заицева, Аҟәатәи асанитар-епидемиологиатә маҵзура аҳақьым-апаразитолог (аџьашықәс — 30 ш.);
Ирина Степанова, Гәылрыԥшьтәи асанитар-епидемиологиатә маҵзура аҳақьым хада (аџьашықәс — 36 ш.).
Аҳаҭыртә хьӡы "Аԥсны аҳәынҭқарра зҽаԥсазтәыз амедицина аусзуҩ" ланашьоуп:
Белла Лазба, Гәдоуҭатәи асанитар-епидемиологиатә маҵзура аҳақьым-абактериолог (аџьашықәс — 42 ш.).
"Амилаҭтә гәабзиарахьчараҿы алшамҭақәа рзы" амедал ланашьоуп ареспублика асанитартә ҳақьым хада Алла Белиаева.