АҞӘА, цәыббра 17 - Sputnik. Аҟәа акцизтә дыргақәа зқәымыз 230 ҭоԥ инареиҳаны асигаретақәа рымхуп ҳәа аанацҳауеит Аҳәынҭқарратә аҳазылхратә еилакы.
Изакәаншьаҭадаз атауар рыԥшааит цәыббра 15 рзы Адлеиба имҩаҿы игылоу адәқьан "Милан" аҿы. Адәқьан аԥшәмас дамоуп Милорава.
Аалыҵ аџьармыкьатә хәԥсала 62 090 мааҭ ыҟоуп.
Аматериалқәа аҭҵаареи аҳазылхратә усҭҵаарақәеи рыҟәшахьы инашьҭуп.