АҞӘА, цәыббра 17 - Sputnik. Аҳәынҭқарра ахада Бадра Гәынбеи Ҭаҭарсҭантәи аделегациеи акультуратә усеицура аҿиара азҵаарақәа ирылацәажәеит ҳәа аанацҳауеит атәыла ахада ипресс-маҵзура.
Аԥсны ахада инаҵшьны иазгәеиҭеит шықәсарацәалатәи аизыҟазаашьақәа рырӷәӷәара иамоу аҵакы, иҳәеит Аԥсны еснагь ишыргәалашәо аибашьреи аибашьра ашьҭахьтәи ашықәсқәеи раан Ҭаҭарсҭан иҟанаҵаз ацхыраара атәы.
Ҭаҭарсҭан аԥыза-министр ихаҭыԥуаҩ Уасил Шаихразиев ҭабуп ҳәа реиҳәеит ирзыҟарҵаз адкылара бзиазы, иара убасгьы иазгәеиҭеит Ҭаҭарсҭан акультуратә усеицура аҿиареи, аҩ-республикак рҿы агастрольқәа реимдареи, афестивальқәеи афорумқәеи рымҩаԥгареи ишазҿлымҳау.