АҞӘА, цәыббра 17 - Sputnik. Мархьаул ақыҭан амаининг хархәагақәа ааба рымхуп ҳәа аанацҳауеит Аҩнуҵҟатәи аусқәа рминистрра..
Гәылрыԥшь араион Аҩнуҵҟатәи аусқәа рыҟәша аусзуҩцәа ирԥшааит акриптовалиута арҳагатә маругақәа ахьықәгылаз ҩ-ҭыԥк. Ешба имҩаду аҿы иҟоу Бессарион Булискериа иҩны аҿы аус зымуаз ф-маругак рыԥшааит, даҽа 2 аус зуаз ԥшаауп Аҟәатәи-арратә амҩаду аҿы иҟоу аҩны аҿы, дара итәуп Ашот Торосиан.
Амаругақәа Аԥсны аҳәынҭстандарт ашьҭаҵарҭахь идәықәҵоуп.
Аԥсны Аминистрцәа реилазаара акриптовалиута арҳареи амаининг азы амаругақәа атәылахь ралагалареи ҟалом ҳәа аԥҟара аҿҳәара иацҵоуп 2026 шықәса анҵәамҭанӡа.