Аԥснытәи аделегациа алахәын Черқьесск ақалақь 200 шықәса ахыҵреи Луганск ақалақь 230 шықәса ахыҵреи ирызкыз аусмҩаԥгатәқәа.
Аҟәеи Черқьесски аешьаратә қалақьқәоуп, иара убас Аҟәеи Лугански аиҩызаратә еиқәшаҳаҭра рнапы аҵарҩит 2024 шықәса цәыббрамза 14 рзы. Уи аахыс ақалақьқәа реиҩызареи реимабзиареи рырҿиаразы иҟаҵоу ашьаҿақәеи, ҳделегациа уажәтәи рыҟазаара аҳәаақәа ирҭагӡаны имҩаԥыргаз аиԥыларақәеи ртәы инарҭбааны арадио Sputnik аефир аҿы далацәажәеит Аҟәа ақалақь ахада ихаҭыԥуаҩ Автандил Сурманиӡе.