АҞӘА, цәыббра 18 - Sputnik. Аԥсны аԥыза-министр ихаҭыԥуаҩ, аҩнуҵҟатәи аусқәа рминистр Роберт Кьиут Москва имҩаԥысуаз аекстремизм аидеологиа аларҵәара апроблемазы V Жәларбжьаратәи аконференциа далахәын.
Иара дазааҭгылеит Аԥсны аҿартә екстремизм аԥырҟәҟәаара шымҩаԥысуа.
Ихадоу:
Аԥснытәи азакәанхьчаҩцәа русура аекстремизм агәҽанҵареи апрофилактикеи рыла ишьақәгылоуп.
Аҵарадырра аминистрреи Аҩнуҵҟатәи аусқәа рминистрреи ашколқәеи аҵараиурҭақәеи рҿы алекциақәеи атематикатә еицәажәарақәеи мҩаԥыргоит, ахәыҷқәа рҭаацәа ирԥылоит, ашколтә психологцәа аус рыцыруеит.
Аҩнуҵҟатәи аусқәа рминистрра амедиаҵакыраҿы активла аусура мҩаԥнагоит, авидеоқәеи агәаларшәагақәеи ҭнажьуеит, аблогерцәа аус рыцыруеит, аҿар иԥашеиу ажәабжьқәа шырдырша ддырҵоит, адыԥхьалаҩцәа рыҽшырцәырыхьчаша рарҳәоит, асоциалтә ҳақәеи амессинџьерқәеи рхылаԥшра мҩаԥыргоит.
Аминистрра аҳәынҭқарратә шәарҭадаратә маҵзуреи, апрокуратуреи, Аҿари аспорти рзы аҳәынҭқарратә еилаки ари ахырхарҭала аус еицыруеит.
Аԥсни, Урыстәылеи, Аахыҵ Уаԥстәылеи рзинхьчаратә усбарҭақәа лассы-лассы рԥышәа еимырдоит.
Урыстәылатәи Афедерациа АфШәМ Аҳәаахьчаратә Усбарҭа ацхыраарала Аԥсни Қырҭтәылеи рҳәаа ахьчара ашәарҭадара акырӡа еиӷьнатәуеит, аамҭа-аамҭала аицҽазыҟаҵарақәа мҩаԥысуеит.
Аԥсны аекстремисттәи атеррористтәи гәыԥқәа рыҟазаара шазгәаҭамгьы аҩнуҵҟатәи аусқәа рминистрра агәҽанызаара ду аанарԥшуеит.