АҞӘА, цәыббра 20 - Sputnik. 2025 шықәсазы ахыркәшаратә программа амодуль Ихьыԥшым аҳәынҭқаррақәа реидгыла атәылақәа рҟнытә ажурналистцәеи, аблогерцәеи, асоциалтә еимадарақәа рменеџьерцәеи, PR-аҟазацәеи рзы амедиагәыԥ "Россия сегодня" москватәи аофис аҿы имҩаԥысит цәыббра 15-19 рзы.
Цәыббрамзатәи апрограмма рхы аладырхәит Аԥсны, Ермантәыла, Беларуссиа, Ҟазахсҭан, Қырқәтәыла, Узбекисҭан, Таџьикисҭан рҟнытә ажурналистцәа.
Дара аҟазаратә-классқәеи иахьатәи амедиа ихадоу ахырхарҭақәеи ирызку амаҵзуратә усзуҩцәа рҟынтәи алекциақәеи 13 ирхысит. Telegram-каналқәа раԥҵаразы аусуратә хәмаррақәа рҳәаақәа ирҭагӡаны аусмҩаԥгатә алахәылацәа рдырреи рҟазареи ҿыцқәа аԥсҭазаараҿы рхы иадырхәеит. Еиуеиԥшым атәылақәа рҟынтәи аҩызцәа русеицура, ргәазыҳәарақәа рызхәыцра аҭахра аусура агәацԥыҳәара ацнаҵеит. Аусмҩаԥгатә алахәылацәа аканал азы аконцепциеи атемеи еиқәдыршәар акәын, еиуеиԥшым аформатқәа рыла апостқәа ркьыԥхьра, еиуеиԥшым арекламатә методқәа рхархәара, насгьы хәымш рыла иреиҳау абонентцәа рхыԥхьаӡара еиздырҳар ахәҭан.
Аҵара аҵыхәтәантәи амш аҽны Sputnik аекспертцәа рҟнытәи аканал аӡыргареи инарҭбаау аҭҵаарақәеи мҩаԥган.
Аҵара аҵыхәтәантәи амш аҽны Sputnik аекспертцәа рҟынтәи аканал апрезентациеи, инарҭбаау азанааҭтә ҭҵаарақәеи мҩаԥгахоит.
Аԥсны ахаҭарнак Ельмина Гәымԥҳа иазгәалҭеит ас еиԥш аҵара аҵак ду шамоу.
"Ицәажәо зегьы рдыррақәа уцеиҩыршоит, убасҟак аинтерес аҵоуп уаанӡа иузгәамҭацыз аганқәа урзыӡырҩырц, еилукаарц уҭаххоит", — лҳәеит лара.
Амодуль алахәылацәа аӡәырҩы рзы ари апроекттә усура раԥхьаӡатәи лшараны иҟалеит иахьатәи аамҭазы еиҳа иаҭаху амедиа-усурақәа руак аҿы рҽԥыршәартә - АИХ-қәеи Telegram-канали рҿы аусураз.
Москватәи апроект алахәылацәа адырра ҿыцқәеи абаҩхатәра ҿыцқәеи мацара ракәӡам ироуа. Есышықәса апрограмма аужьҭымҭацәа рзанааҭтәи реиҩызаратә еилазаареи еизҳауеит.
"Москвеи "SputnikPro на Зубовском" апроекти ҳара ҳаиднакылеит, ҳаиҩызцәахеит", - ҳәа азгәарҭоит алахәылацәа апрограмма амодульқәа зегьы рхыркәшамҭазы, насгьы араҟа ироуа адыррақәа рзанааҭтә еизҳаразы амч ҿыцқәа рзаанагоит.
Хышықәса ирылагӡаны москватәи аофис аҿы "SputnikPro на Зубовском" амодульқәа 12 мҩаԥысхьеит, ари аамҭа иалагӡаны 11 тәыла рҟнытә 144-ҩык ажурналистцәа амаҵзура аусура аилкаареи рзанааҭтә ҟазара аизырҳареи рзы алшара рынаҭеит.