АҞӘА, цәыббра 22 - Sputnik. Ахеидкыла Добро.рф-и Аҟәатәи аҳәынҭқарратә коллеџьи рыбжьара аусеицуразы амеморандум рнапы аҵарҩит.
Добро.рф излаанацҳауа ала, аиқәшаҳаҭра аҳәаақәа ирҭагӡаны аколлеџь ацхыраара аҭахоит апрограмма "Арҵара амаҵ азура" анагӡаразы.
Уи адагьы, аколлеџь аҳәарала, аҵаратә лекциақәа, аҟаза-иклассқәа, аволонтиортә ус азы акурсқәа мҩаԥгахоит.
Аколлеџь аиҳабы Светлана Габлиаԥҳа инаҵшьны иазгәалҭеит, аҵараиурҭа аколлектив зегьы гәацԥыҳәарала ари ажәалагала ишадгылаз, изҭаху ацхыраара рыҭара ишазхиоу урыстәылатәи аиҿкаара рымчқәеи дареи еидкыланы.
Иара убас, лара илҳәеит Добро.рф анапхгара акурсқәа ахьымҩаԥысраны иҟоу акласс аиҭашьақәыргылара рхахьы ишырго.