АҞӘА, цәыббра 25 - Sputnik. Аҟәа ахақәиҭтәра амш азы аныҳәатә усмҩаԥгатәқәа мҩаԥгахоит цәыббрамза 27 рзы.
Ақалақь ахадара апрограмма еиқәнаршәеит, уи ақалақь еиуеиԥшым аҭыԥқәа рҿы дасу иқәра иаҵанакыртә еиԥш иеиҿкаауп.
Ахақәиҭра Ашҭа
8:00–16:00 — Аквест-еиԥхныҩлара "Агәабзиара амаршрутқәа: Диоскураа рымҩа",
12:00 — Арра-патриоттә усмҩаԥгатә "Аиааира ахылҵшьҭра",
15:00 — Аконцерттә программа "Ахәрашәа, ахәра зырӷьо".
413-ҩык ашколхәыҷқәа злахәу ахореидкыла ақәгылара.
Ахьӡ-Аԥша Апарк
10:00 — 1992–1993 шықәсқәа рзы Аԥсны Жәлар Рџьынџьтәылатә еибашьраҿы иҭахаз рмемориал аҿы ашәҭқәа рышьҭаҵара.
Сергеи Багаԥшь ихьӡ зху Аспорттә хан
11:00 — Аӡӷабцәа рыбжьара итрадициатәу, иаарту анапылампылтә еицлабра "Аҟәа ақалақь Ахраҿа".
Алакә апарк
11:00 — Ахәыҷқәа рзы агәырҿыхагатә усмҩаԥгатәқәа.
Аҟәатәи ашахматтә школ
11:00 — Ахәыҷтәы ашахматтә еицлабра.
Ақьафурҭа "Дем" аҿаԥхьа адәмаҷ
12:00 — 1992–1993 шықәсқәа рзы Аԥсны Жәлар Рџьынџьтәылатә еибашьра аветеранцәа ркомандақәа рыбжьара аиҩызаратә шьапылампылтә еицлабра.
Идырым асолдаҭ ибаҟа апарк
15:00 — Ахыци ахәымпали рыла ахысразы аицлабрақәа,
17:30 — Алитературтә хәылԥазы,
18:00 — Аныҳәатә концерт,
20:00 — Аныҳәатә феирверк.