АҞӘА, цәыббра 25 - Sputnik. Аԥсны акультура аминистр Даур Ақаҩба Аладатәи Кореиа имҩаԥысуаз Жәларбжьаратәи ацәыргақәҵа Џьонџьу Крафт Биеннале -2025 далахәын ҳәа аанацҳауеит Акультура аминистрра.
Аекспозициа шьақәгылоуп 16-тәыла рҟынтәи 140-ҩык анапҟазацәа русумҭақәа 300 рыла. Абиеннале аҳәаақәа ирҭакны иазырхиоуп 22 цәыргақәҵа, урҭ еиуеиԥшым анапҟазаратә усхкқәа зегь рыҵанакуеит– акыцӡи абеи инадыркны алак зыхьшьу аметаллтә напкымҭақәа рҟынӡа.
"Ари ҳаамҭазтәи адунеи аҿы анапҟазара иааннакыло аҭыԥ ҿыцла уаззырхәыцуа хҭыс дууп. Даара угәы шьҭызхуа ԥышәоуп", — ҳәа иҳәеит Ақаҩба.
Ацәыргақәҵа "Аҭынчра ҳаргылоит" мҩаԥысуеит абҵарамза 2 рҟынӡа.