АҞӘА, жьҭаара 7- Sputnik. Аԥсны атуристтә индустриа ҽаԥарак ԥхьаҟа изгаша аӡбарақәа аҭахуп ҳәа инаҵшьны иазгәеиҭеит атуризм аминистр, афорум "Аԥсны акоманда" атематикатә секциа амодератор Асҭамыр Логәуа.
Уи иазгәеиҭеит аусхк ирласны аҿиара ишаҿу, ареспублика агәыларатәи атәылақәа рацлабразы аԥыжәара змоу аӡбарақәеи аинтерес зҵоу ажәалагалақәеи шаҭаху.
Логәуа аусбарҭазы акыр ихәарҭоуп ҳәа азгәеиҭеит зыпроектқәеи заԥшьгарақәеи рынагӡара иаҿу "Аԥсны акоманда" алахәылацәа, аицлабра "Зысасгәашә аарту Аԥсны" алахәылацәагьы налаҵан.