АҞӘА, жьҭаара 10 - Sputnik. Амшцәгьа иахҟьаны Гал ахәҭак лашарада иаанхеит ҳәа аанацҳауеит "Гал-Медиа".
Иаха иасыз аԥшатлакә Самурзаҟанаа рымҩаду аҿы игылаз аҵлақәа канажьит, афымцамҩангагатә цәаҳәақәа аԥхасҭа рнаҭеит.
Амшцәгьа ахҟьаԥҟьақәа раԥыхразы Аҭагылазаашьа ҷыдақәа рзы аминистрреи араион ахадара Анхамҩатә усбарҭеи русзуҩцәа арыцқьарақәа мҩаԥыргоит.