АҞӘА, жьҭаара 10 - Sputnik. Аспорттә еидгыла "Аԥсны" ахылаԥшратә хеилак аилазаара шьақәырӷәӷәоуп.
Ахантәаҩыс далхуп Аԥсны аԥыза-министр ихаҭыԥуаҩ, Аҳәынҭспортеилакы анаԥхгаҩы инапынҵақәа назыгӡо Ҭарашь Ҳагба.
Иара еизаз ирҭаз агәрагаразы ҭабуп ҳәа реиҳәеит, иара убасгьы иазгәеиҭеит аусураҿы зегь реиҳа ихадоу аспортсменцәа бзиақәа рааӡара акәым, иаԥсоу атәылауаа рааӡара шакәу.
Ахеилак аилазаараҿ иҟоуп Ельза Ҳагба, Роман Каҷараа, Валери Берзениа, Дмитри Маршьан, Ҭемыр Агрба, Давид Папба, Асҭамыр Цышәба, Иури Трувалиов, Руслан Бганба, Едуард Аргәын, Арсоу Ҷыҭанаа, Руслан Ҳаразиа, Рафаель Амԥар, Идрис Кара-Османоӷлы, Даур Арӡынба.
Аспорттә хеидкыла есышықәса имҩаԥнаго аусура азы аҳасабырба ҟанаҵалоит.