АҞӘА, жьҭаара 22 – Sputnik. Аԥсны Жәлар Реизара-Апарламент адепутатцәа Нхыҵ-Кавказтәи Афедералтә университет ахь официалла рнеираан аҭҵаарадырреи аҵареи русхк аҿы аҩганк реинырреи русеицура аԥеиԥшқәеи ирылацәажәеит.
Аректор инапынҵақәа назыгӡо Татиана Шебзыхәи дареи реиԥылараҿы еицырзеиԥшу апроектқәа рымҩаԥгаразы еиқәшаҳаҭхеит, Аԥсны Иреиҳаӡоу аӡбарҭаҿы аиуристцәа рзы аԥышәахысрақәа реиҿкаарагьы уахь иналаҵаны ҳәа аанацҳауеит НКАУ апресс-маҵзура.
Аԥснытәи аделегациа ауниверситет аҭҵарадырра-рҵаратә аргыларақәа ирҭааит, иазгәарҭеит НКАУ аспециалистцәа разыҟаҵареи абаҩхатәра злоу ахәыҷқәа рыцхраареи рзы иамоу алшара ҳаракқәа.
2025 шықәсазы аԥснытәи арҵаҩцәа 130-ҩык рзанааҭтә дыррақәа рышьҭыхра иазырхоу аҵарадырратә программақәа жәба азгәаҭоуп. 2014 шықәса раахыс Аԥсни НКАУ-и қәҿиарала аусеицыруеит, 20 инареиҳаны азакәанԥҵаратә проектқәа еиқәдыршәахьеит, зықьҩыла аспециалистцәа аҵара ддырҵахьеит.
ААУ-и НКФУ-и иара убас Аԥсны Аҵара аминистрреи НКВУ-и рыбжьара аусеицуразы аиқәшаҳаҭрақәа рыбжьаҵан2025 шықәса цәыббрамза 16 рзы.