АҞӘА, жьҭаара 25 - Sputnik. Аҟәа Ажәанба имҩадуи уи акәша-мыкәшеи еиҭашьақәыргылоуп ҳәа аанацҳауеит ақалақь ахадара.
Ақалақь ахадара аҟынтәи иахәҭоу амаҵзурақәа аҩнқәа ирзааигәоу аҭыԥқәа рны абетон ықәдырҭәеит, насгьы амҩа ахәҭак 900 метра ԥшьаркца еиҭашьақәдыргылеит.
Аиҭашьақәыргыларатә усурақәа мҩаԥган ауааԥсыра иҟарҵаз аҳәарала. Ари аҭыԥ аҿы амҩа ҭагылазаашьа бааԥсын, убри аҟынтә шьапыла ицозгьы, амашьынаныҟәцаҩцәагьы рзы аныҟәара уадаҩын, еиҳарак ақәа анлеиуа аамҭазы.