Мышқәак раԥхьа Аҟәа акоммуналтә усзуҩцәа Имам Шамиль имҩаҿы закәаншьаҭада иргылаз ахыбра ықәыргеит. Ахыбра ахьдыргылаз аҭыԥаҿы ашьаҟамҩеи ақәаршыҩцарҭақәеи ыҟан. Жәаҳәарада уи азакәан аилагара инаҷыдангьы акоммуналтә усмҩаԥгатәқәа ирԥырхаган. Ирацәоума аиԥш зеиԥшу аҿырԥштәқәа, насгьы арҭ ахыбрақәа закәанда рыргылара шԥалыршахеи, абарҭқәа ртәы арадио Sputnik аефир аҿы дырзааҭгылеит Аҟәа акалақь ахада ихаҭыԥуаҩ Автандил Сурманиӡе.
Шәахәаԥш арадиостудиа аҟнытә авидеонҵамҭа.