АҞӘА, жәабран 15 — Sputnik. Иааԥхьоу арежиссиорцәа ҿыцқәа аус рыцура — атеатр ашьақәхара аҟынтәи иахьчоит, абас азиԥхьаӡоит РУСДРАМ адиректор хада Иракли Хынҭәба.
"Арежиссиор ҿыц ихатә гьамеи, изнеишьақәеи, иусуратә методқәеи иманы данааилак, ҳара ҳаиҭеиуеит. Ҳара уи ҳҽақәҳаршәоит, иҿыцу акы шьҭаҳкаауеит", — иҳәеит иара.
Хынҭәба иазгәеиҭеит РУСДРАМ ласы-лассы ишалахәу урыстәылатәи афестивальқәа, "Петербургтәи атеатртә ҟазарҭақәа" назлоу.
Уи адагьы, Урыстәыла аҩадатәи аҳҭнықалақь ахь атеатр анаҩстәи ацара аҳәаақәа ирҭагӡаны афестиваль "Монокль" аҿы аспектакль "Ацынҵәарах" днарбоит.