Ирацәоуп зыӡбахә ҳзымдыруа аибашьра аҭоурыхқәа, зхы аӡыргара иашьҭам, ма урҭ аамҭа цәгьақәа ргәаларшәара зҭахым ҳәа иҳәеит Агәымшәаразы амедал занашьоу аибашьра аветеран Анзор Шәлымба.
Марттәи ажәылара — 1992-1993 шықәсқәа рызтәи Аԥсны жәлар Рџьынџьтәылатә еибашьра аҭоурых аҟны зегь реиҳа ишьаарҵәырахаз даҟьахеит. 1993 шықәса хәажәкырамзазы Аҟәа агаразы ажәылараан иҭахеит 222-а аԥсуа аруаа, 23-ҩык хабарда ибжьаӡит.
Шәахәаԥш инарҭбаау авидеонҵамҭа.