Владимир Занҭариа — иажәа беин, иажәа ԥшӡан, иажәа анарха аман, аԥсуа жәлар зегьы ҳӡыригон, абасала аҵарауаҩ дигәалаиршәеит Аԥсуаҭҵааратә институт аиҳабы Арда Ашәба.
Аԥсны Ашәҟәыҩҩцәа рассоциациа ахантәаҩы, иналукааша аԥсуа интеллигенциа рхаҭарнак, апоет, апублицист, алитератураҭҵааҩ, аиҭагаҩ, акритик, ажурналист, ауаажәларра-политикатә усзуҩ, Аԥсны зҽаԥсазтәыз акультура аусзуҩ, Ахьӡ-Аԥша аорден III, II аҩаӡарақәа занашьоу, Дырмит Гәлиа ихьӡ зху аҳәынҭқарратә премиа алауреат, академик Владимир Занҭариа иԥсҭазаара далҵит 73 шықәса дшырҭагылаз хәажәкыра 21 рзы.
Шәахәаԥш инарҭбаау авидеонҵамҭа.