Аԥсни Урыстәылеи акультура аминистррақәа аусеицуразы 2008 шықәса раахыс ирыбжьоу аиқәшаҳаҭра аҳәаақәа есышықәа аҽарҭбаауеит. Мшаԥымза 2 инаркны 6-нӡа Уасил Царгәыш ихьӡ зху аҳәынҭқарратә зҽаԥсазтәыз жәлар рашәаҳәареи рыкәашареи ансамбль Москва, Владимир, Нижни Новгород ақалақьқәа рҿы иқәгылоит. Абри атәы арадио Sputnik аефир аҿы дазааҭгылеит Аԥсны акультура аминистрра аспециалист Адамыр Гәынба.
Уи аҭакс мшаԥы 16 рзы Аԥсныҟа иаараны иҟоуп Калмыкиатәи ашәаҳәареи акәашареи рансамбль "Тиульпан".
Аԥсны анҭыҵ ҳкультура, ҳҟазара аинтерес ду амоуп, еиҳарак ашәаҳәареи акәашарақәеи рганахь ала, еилызкаауа иазҿлымҳау рацәаҩуп. Азҿлымҳара бзиа анроулак ҳара ҳарҿиаратә коллективқәагьы ргәы шьҭнахуеит, ргәы хыцхыцуа иҟанаҵоит ҳәа азгәеиҭеит иара.
Шәахәаԥш астудиа аҟнытә авидеонҵамҭа.