Урыстәыла аҵыхәтәантәи 15-20 шықәса раахыс ҳацхраара иаҿуп. Уажәшьҭа хәыҷы-хәыҷла ҳхала ҳхы ныҟәагартә ҳҟаларц рыгәҭакуп Аԥсни Урыстәылеи анапхгара иҳәеит аустә усеицуразы Жәларбжьаратәи афонд ахада Вахтанг Ԥиԥиа.
Аусмҩаԥгатә еиднакылеит Аԥсни, Урыстәыла 15 региони, Аахыҵ Уаԥстәылеи рҟынтәи еиуеиԥшым аекономикатә усхкқәа знапы рылаку ауаа ҳәа азгәеиҭеит иара.
Жәларбжьаратәи афорум "Аԥсны — ԥхьаҟатәи аинвестициақәа" мҩаԥысуеит мшаԥы 3-4 рзы.
Sputnik афорум аинформациатә партниор хадоуп. Аинформациатә маҵзура Sputnik Аԥсны астудиа аус ауеит Жәларбжьаратәи аекономикатә форум "Аԥсны — ԥхьаҟатәи аинвестициақәа" аҟны.