Аекономикатә форум аҳәаақәа ирҭагӡаны Аԥсны аминистрра иадгалан апроект, ҳтәылазы иҿыцу автотуризм Караваининг ҳәа изышьҭоу арҿиара. Абри атәы арадио Sputnik аефир аҿы илҳәеит атуристтә фирма "Аԥсуа-тур" аиҳабы Елизавета Маланиаԥҳа.
Ари еиԥш атуризм арҿиара алыршахоит Тҟәарчал араион аҿы ҳәа азгәалҭеит лара. Илҳәеит ари атуризм ахырхарҭала урыстәылеи адунеи аҿи алаҵәара бзиа шамоу. Иара убас дазааҭгылеит иахьатәи аамҭазы аҿиара шамоу, насгьы ахарџь рацәа шаҭахым аекотуризм арҿиара. Уи ахырхарҭа иадҵаалогьы аԥсшьаҩцәа шырацәоу.