Сусураҿгьы сыԥсҭазаараҿгьы сзыхьхәыша ак ҟасҵахьеит ҳәа сгәы иаанагом иҳәеит иахьа зиубилеи азгәазҭо ажурналист, Аԥсны ахада ипресс-маӡаныҟәгаҩ Алхас Ҷолокәуа арадио Sputnik аинтервиу аҭо.
Сара насыԥс исыман зҳәоу еиқәшәоу аколлектив бзиаҿ аусура. Апресс-маӡаныҟәгаҩс саныҟалагьы анапхгаҩцәа рыла исықәҿион — зегьы аус рыцура маншәалан ҳәа иҳәоит иара. Аиубилиар иажәақәа рыла, иара иирамш азгәаҭара рацәак дазҿлымҳам, аха гәахәароуп уҩызцәа, уҭаацәа, уколлегацәа анудныҳәало, иҷыдоу ҭакԥхықәрак уднаҵоит ҳәа азгәаиҭеит иара.