Аԥсуа бызшәа арҵаҩцәа рфорум алахәылацәа хымш рыҩнуҵҟа рзанааҭтә ԥышәа аизырҳаразы аԥышәа змоу арҵаҩцәеи, аметодистцәеи, аҵарауааи рлекциақәа ирзыӡырҩит, аиҿцәажәарақәа мҩаԥыргеит. Афорум хәарҭарас иамаз, уи дыррақәас иалыргаз атәы арадио Sputnik аефир аҿы иалацәажәеит Аҟәатәи 1-тәи абжьаратә школ арҵаҩы Ельза Кәыҵниаԥҳаи Очамчыратәи 4-тәи абжьаратә школ адиректор, арҵаҩы Лиалиа Папасқьырԥҳаи.