АҞӘА, ажьырныҳәа 16 – Sputnik. Аррамаҵзурауаа рыбжьара напышьашәалатәи аисра ачемпионат аҟны Аԥсны иҟоу Аладатәи арратә база 49-тәи азеиԥш ар аррамаҵзурауаа аҩбатәи аҭыԥ ааныркылеит. Алеитинант аиҳабы Евгени Березин 80 кьыла рҟынӡа иҟоу рыбжьара хәынтәны дчемпионхеит. Абри атәы аанацҳауеит Аԥсны иҟоу Аладатәи арратә база апресс-маҵзура.
"Ачемпионат аҟны еиуеиԥшым акапанқәа быжьба ирықәшәоз аррамаҵзурауаа еисон. Ауснагӡатә мҩаԥысуан Ставропольтәи атәылаҿацә, Будионновск амотохысыҩцәа рспорттә комплекс аҟны", — ҳәа аҳәоит апресс-маҵзура адырраҭараҟны.
Аицлабрақәа мҩаԥган ԥшь-номинациак рыла. Аноминациа "Аисараҿ иреиӷьу атехника" аҟны аиааира игеит Евгени Березин, "Еиҳа ирласны ихыркәшоу аисара" аҟны 12 секунд ирҭагӡаны аԥыжәара игеит аррамаҵзурауаҩ, асержант Денис Ревенко.
Напышьашәалатәи аисараз еизгоу акоманда аиҳабы, арратә база акапитан Михаил Смолин иажәақәа рыла арратә напышьашәалатә еисара аррамаҵзурауаа рзы хра аманы иҟоуп, агәымшәара, аццакра, аҟазшьа аҭышәныртәалара, иҟалар зылшо аҭагылазааша уадаҩ уҳәа рзы ицхыраагӡоуп.
Ачемпионат иалахәын 100-ҩык рҟынӡа аррамаҵзурауаа.