АҞӘА, жәабран 8 — Sputnik. Урыстәыла Аҳәынҭқарратә Думаҿы ажәалагала ҟаҵан "аԥхынтәи аамҭа" архынҳәразы. Аҳәынҭқарратә Думахь азакәан апроект назышьҭыз адепутат Андреи Барышев, иазыиԥхьаӡоит асааҭ аԥхынразы аиҭакра, илашоу аамҭа хра аманы ахархәара алнаршоит ҳәа, аресурсқәа еиҳа аекономиа рнаҭоит, ауааԥсыра ргәабзиара анырра бзиа анаҭоит ҳәа. Абри атәы аанацҳауеит РИА Новости.
Аԥшьгара автор иазгәеиҭеит атәылауаа хыԥхьаӡара рацәала Аҳәынҭқарратә Думахь азыҳәақәа шаарышьҭхьоу, амедикцәеи абиологцәеи аамҭа аԥсахра ауааԥсыра ргәабзиара иҵоурам анырра анаҭоит ҳәа ишыршьо.
Урыстәыла "аԥхынтәи аамҭа" мԥсахкәа аус ауан 2011-2014шықәсқәа рзы. Уи ашьҭахь Урыстәыла еиуеиԥшым арегионқәа рҟны ахархәара аман сааҭк еиҵаз аамҭа.