"Аа-шықәса раԥхьа жәлар рмузыкатә рҳәагақәа ажәлар рыларҵәара хадас иҟаҵаны арҿиаратә центр иаԥнаҵеит Ареспубликатә фестиваль "Аԥхьарца". Есышықәса имҩаԥсуа ари афестиваль Иван Кортуа игәаларшәара иазкуп иара иааԥсара рацәоуп жәлар рашәақәеи, рмузыкатә аҳәагақәеи реиқәырхареи, раларҵәареи рҟны. Раԥхьа иабашәҭаху ари афестиваль зҳәаз ыҟазаргьы, иахьа, аамҭа ишаҳнарбаз ала, ас еиԥш афестивальқәа рымҩаԥгара аколлективқәа рзы ихәарҭоуп, аҿар жәлар рмузыкатә рҳәагақәа ргәыбылра шыркыз убартә иҟоуп, есааира рхыԥхьаӡара иацлоит", — иҳәеит Нури Кәарҷиа.
Жәлар рмузыкатә рҳәагақәа рыбжьы хаа ажәлар ираҳауаз ауп, избан акәзар, амилаҭ хаҿра аиқәырхараҿы аҵак ду амоуп, ҳәа агәаанагара имоуп Нури Кәарҷиа.
Шәазыӡырҩла арадио Sputnik Аԥсны ишиашоу ицо аефир, асааҭ 18:00 рзы.