Sputnik
Хәажәкырамза жәабранмза иаҿурԥшуазар, 36-ҩык рыла еиҳа еиҳаны ашәҟәы иҭаҩуп. Асеиԥш амҩатә ныҟәара бзиа избо шықәсыла 22 инаркны 78 рҟынӡа инаӡоит. 50 шықәса зхыҵуа рыбжьара 42-ҩык аанкылан. Абри астатистикаҿы аҩбатәи аҭыԥ роуит 30-35 шықәса зхыҵуаз. Урҭ 36-ҩык ыҟан. Ахԥатәи аҭыԥ иаҵанакит 35-40 шықәса зхыҵуаз. Урҭ рхыԥхьаӡара 34-ҩык инаӡеит.
Иара убасгьы ҩыџьа аҳәса амашьына аԥсҟы ааныркылеит арыжәтә ыжәны.
Уаанӡагьы уажәгьы актәи аҭыԥ амоуп Аҟәа ақалақь. Араҟа иаанкылаз рхыԥхьаӡара 75-ҩык инаӡеит.
Иара убри аан Аҟәа араион уаҿыԥшыртә иҟоуп. Жәабранмзазы еиԥш хәажәкырамзазгьы араҟа арыжәтә ыжәны аӡәгьы даанкыламызт.
Аматериал азырхиараан ахархәара рыҭан Аҩныҵҟатәи аусқәа рминистрра аофициалтә саит адыррақәа.