Аоппозициаа раԥхьагыла даанкылоуп

Ермантәыла аполициа Ереван ареспублика Ашҭахь инеиит. Уоуп аҿагылара зуа адемонстрантцәа ахьеизо. Дара рықәгыларақәа хықәкны ирымоу Аԥыза-министрс иалху Серж Саргсиан иқәгароуп.
Sputnik

АҞӘА, мшаԥы 23— Sputnik. Ермантәыла аполициа Ереван ареспублика Ашҭахь инеиит. Уоуп аҿагылара зуа адемонстрантцәа ахьеизо. Дара рықәгыларақәа хықәкны ирымоу Аԥыза-министрс иалху Серж Саргсиан иқәгароуп. 

Адемонстрантцәа реимырпраан иҟоуп ааха зауқәаз ҳәа аанацҳауеит РИА Новости.

Серж Саргсиан амитингқәа ахҳәаа риҭеит

Амҽышаҽны аоппозициаа шьапылатәи рныҟәара аанкылан Ереван араион Еребуни аҿы. Уаанӡа, Серж Саргсиани Николо Пашиниани реиԥылара лҵшәадарыла еилгеит.

Аполициаа ишырҳәаз ала аоппозициаа реимырпра нап адыркуеит. Пашиниан даанкылоуп.

Уажәы ареспублика Ашҭаҿы анапынҵа ҷыдақәа змоу аполициаа рыҟәша роуп иҟоу. Ашҭахь узланеиуа амҩақәа аркуп.

Ермантәыла, мшаԥы 13 раахыс аоппозициаа рықәгыларақәа мҩаԥысуеит. Дара аҿагылоит Ермантәыла уаанӡатәи ахада Серж Саргсиан уажәы аԥыза-министрс иҟалара. Аоппозициаа ргәаанагарала иара аҳәынҭқарра хра аманы изымҩаԥгомызт.