"Аԥхьа ҳхахьы иаҳзаагомызт абалети аԥсуа кәашареи еидкылашьас иаиуа, аха ҳақәгылара иаҳнарбеит, иара иатәызшәа, ианааланы иҟалар шалшо. Аԥсуа кәашара зынза даҽакала ҳазнеиуан, аха уа ҳаннеи, ианаҳба, даҽа цәаныррак ҳазцәырҵит. Даара иаҳгәаԥханы ҳақәгылеит. Амелодиа ахаҭа ара иҳаман, жәамш раҟара ҳҽазыҟаҳҵон. Аха Сербиа ҳақәгылара, аоркест аныхәмаруа акәашара, уи зынӡаск даҽакуп, даара иԥшӡахеит", — азгәеиҭеит Миқаа арадио Sputnik Аԥсны аефир аҟны.
Мшаԥы 28-30 рзы Сербиа акалақь Нови-Сад Амилаҭтә театр аҟны аиталиан шәҟәыҩҩы Карло Коллоди иажәабжькәа рыла абалет "Пиноккио" қәҿиара дула аԥхьарбара мҩаԥысит. Уи абалет азы амузыка аԥиҵеит Нодар Ҷанба. Аспектакль иалахәын убасгьы Аԥсны ашәаҳәареи акәашареи зҽаԥсазтәыз Аҳәынҭқарратә ансамбль артистцәа.