"Арзаҳалқәа бжьаратәла уахәаԥшуазар ҵыԥх аасҭа сынтәа еиҳауп, 275 арзаҳал аларҵеит, ихадаҳкылеит 127-ҩык. Ҩажәа шықәса ҵуеит аус ҳуеижьҭеи, шықәсык 130-150 ҩык еиҳаны иҳадҳамкылаӡацт, ҳалшарақәа ус ауп ишыҟоу. Азанааҭкәа фба рыла иҳадаҳкылоит. Иазгәасҭар сҭахыуп, аҳазалхреи азиндырреи рахь инеиз даара ишырацәоу. Ақыҭанхамҩа иадҳәалоу азаанааҭ ахь инеиз маҷуп. Уи ауп ҳтәылаҟны хырхарҭа хадас иҟоу, аха арзаҳалқәа быжьҩык роуп иалазҵаз сынтәа, ҵыԥх акәзар 16-ҩык ыҟан. Иманшәаланы иҟоу азыҟаҵаратә курсқәа ҳамоуп, февраль инаркны маи мза рҽазыҟарҵоит агәыԥқәа. Урҭ аҽазыҟаҵарақәа ирыбзоруны рдыррақәа рыҩаӡара еиҳахоит, шамахамзар зегьы аҵара иҭалоит. Ҳабитурентцәа ртәы уҳәозар, аиҳараҩык ақыҭақәа рҟынтәи иаауа аҿар роуп", — иҳәеит Кәарҷиа.