Aлерт

Атанкситцәа рымш аҽны ишәыдаагалоит Мрҭашәаратәи афронт аибашьҩы, атанкист, Аԥсны Афырхаҵа Геннади Смыр иҿцәажәара.

Абаҩхатәра злоу асахьаҭыхҩы қәыԥш Саида Ԥлиаԥҳа лҟазара аҷыдарақәа ртәы еиҭалҳәеит Sputnik акорреспондент Сырма Ашәԥҳаи лареи реиҿцәажәараҿы.

Ашколи ашахмат асреи бзиа избо Нестор Кәыҵниа Очамчыра имҩаԥысуа жәларбжьаратәи ашахматтә турнир далахәуп. Избан ашахматист қәыԥш аинтеллектуалтә хәмарра бзиа изыибо, насгьы иарбан еихьӡарақәоу иааирԥшхьоу, абри атәы арадио Sputnik Аԥсны аефир аҟны еиҭеиҳәеит.

"Арифмақәа - Риҵа" захьӡу афестиваль аҳәаақәа ирҭагӡаны ААУ афилологиатә факультет аԥсуа бызшәеи алитературеи акафедраҿы имҩаԥган астолгьежь.

Астихиатә ҟазшьа зманы ана-ара ишьақәгыло агәамсам еизгарҭақәа аԥсабара шаҟа ааха арҭои, ацқьара акультура ишазааитәуи дазааҭгылеит Sputnik акорреспондент Аинар Ҷыҭанаа.

Цәыбррамза 16 рзы излагаз Аҟәа агаразы ажәыларатә операциа шхацыркхаз атәы арадио Sputnik Аԥсны аефир аҟны игәалаиршәеит аибашьцәа рыштаб актәи абригада аиҳабы, Леон иорден занашьоу аинрал-маиор Закан Нанба.

Афырхацәа рхаҿсахьақәа ажәлар ирдыруазар ауп. Еиҳаракгьы аибашьра ашьҭахьтәи аҿар иахьеи-уахеи ҳабла ихгыло, ҳлымҳа иаҳауа аибашьра аҭоурых адаҟьақәа зегьы ҳаргәыламԥшӡац, ирацәоуп иҳарымҳәац афақтқәагьы. Алашара зқәырԥхам адаҟьақәа иреиуоуп аибашьра аамҭазы Арасаӡыхь ақыҭан еиҿкааз, 12 ҩык злаз ахаԥшьгаратә гәыԥ аҭоурых.

Аџьынџьтәылатә Еибашьра Ду аветеранцәа рреспубликатә хеилак аиҳабы ихаҭыԥуаҩ Закан Нанба арадио Sputnik Аԥсны иаиҭаз аинтервиу аҿы аԥыза-министр Геннади Гагәылиа амҩатә машәыр аҿы иҭахара ахҳәаа азыҟаиҵеит.

Ааигәа Ҭырқәтәылантәи зҭоурыхтә ԥсадгьыл ахь нхара ҳәа иааз Ҵыҵаа рҭаацәа дырҭааит, дагьрацәажәеит Сырма Ашәԥҳа.

Аҭацаагарашәа "Радеда" аҭоурых дагәылаԥшны иаҳзеиҭалҳәеит Sputnik аколумнист Сусанна Ҭаниаԥҳа.

Аҳәынҭқарратә бызшәатә политиказы аҳәынҭқарратә еилакы ахантәаҩы Баҭал Ҳагәышь арадио Sputnik Аԥсны аефир аҟны еиҭеиҳәеит абызшәазы азакәан еилазгаз зегьы ахараԥса шдыршәахо атәы.

Џьгьарда ақыҭаҿы инхо Џьон Аӡынбеи Есма Кара-Османи хҩык рыхшара ашкол ахь рышьҭра иазыҧшуп. Иахьынӡазыҟаҵоу еилаҳкаанӡа, ҳазааҭгылап маҷк ари аҭаацәара рҭоурых.

Иабантәиаауа Нанҳәа, ишԥазгәарҭои уи атрадициатә динахаҵараҿыи, ақьырсиан динхаҵараҿыи, абри атәы еиҭеиҳәеит арадио Sputnik Аԥсны аинтервиу азҭаз аетнолог Виктор Аҩӡба.

Нанҳәа 26 2008 шықәса рзы Урыстәыла Ахада Аԥсны ахьыԥшымра азхаҵаразы Аусԥҟа инапы аҵаиҩит - аҭоурыхтә хҭыс аахижьҭеи иҵит жәашықәса. Ари амш лгәалашәараҿы ишаанхаз атәы дазааҭгылоит Светлана Ладариаԥҳа.

Ашьхааӡара - аԥсуаа рыԥсҭазаара жәытәаахыс иадҳәалоуп. Аԥсуа ибзазаараҿы, инхара – нҵыраҿы уи иҷыдоу ҭыԥ аанакылахьеит. Ашьхааӡара, Анана – Гәында илыдҳәалоу ақьабзқәа ртәы Sputnik иазлырхеит Cусанна Ҭаниаԥҳа.

Апиеса ҿыц ықәлыргылоит Урыстәылантә ааԥхьара змоу арежиссиор ҳәа азгәеиҭеит арадио Sputnik Аԥсны аинтервиу азҭоз Аҿартә театр адиректор Аслан Еныкь.

Амшцәгьа иахҟьаны Џьгьарда ақыҭа Џьынџьалаа рҳабла ашҟа уназго ацҳа бгеит.

Цәыббрамзазы Аԥсуа театр аҿы имҩаԥысраны иҟоуп апремеира - "Гәымсҭатәи абаллада" ҳәа хьӡыс измоу Аџьынџьтәылатә еибашьра иазку ақәыргыламҭа. Уи арежиссиор Мадина Аргәынԥҳа арадио Sputnik Аԥсны аефир аҟны иазгәалҭеит ахәаԥшҩы Аԥсны аҭоурых шизнагахо.

Ашәарыцара асезон аартра инамаданы ишәыдаагалоит аԥсуаа рҿы ашәарыцара иадҳәалоу аԥҟарақәеи ақьабзқәеи ирызку Cусанна Ҭаниаԥҳа лматериал.

Аҭоурыхи абиблиотекатә-информациатә уси 11 шықәса раахыс знапы алакыу, Гагратәи аҭыԥҳа Сариа Ԥлиаԥҳа иаҳзеиҭалҳәеит ари азанааҭ алхра лгәазырԥхази, арҵаҩрахьы дхьазырԥшызи ртәы.

Ҭырқәтәылатәи аԥсуаа рҿы асасдкылара шеиқәхаз атәы далацәажәоит ажурналист Нонна Ҭхәазԥҳа.

26 шықәса раԥхьа излагаз аԥсуа-қырҭуа еибашьра аӡәыкны ҳааиднакылеит аԥсуаа. Иҟаӡамызт даҽа мҩак, ақырҭуа агрессор аҭак иҭатәын, мамзар аҟамзаара амҩа ҳзынхон аҭоурых ду змаз жәларык, ҳәа лгәаанагара лҳәоит Sputnik аколумнист Елеонора Коӷониаԥҳа.

Аҧсуа жәлар рымзар аҿы иуҧылоит имаҷымкәа ажәлантәқәа ишьҭырхыз рхатә ныҳәарақәа. Урҭ зегьы рыҟалара зыхҟьаз досу рхатә ҭоурых рымоуп. Убас, есышықәса, нанҳәа мзазы иазгәарҭоит Аираа рныҳәара.