"Сынтәа хәынтәуп шьҭа аконцертқәа мҩаԥгоижьҭеи. Иаҳхысыз ԥшьышықәса ирылагӡаны быжьҩык ахәыҷкәа ацхыраара рыҭан. Сынтәа еизгоу аԥара шьҭхоит Иарослава Ҟалӷьԥҳа лыхәшәтәрахь. Уи азы 370 нызқь мааҭ аҭахуп. Сынтәа еизгоуп 250 нызқь мааҭ. Аусмҩаԥгатә аиҿкааҩ, афонд ахада Азамаҭ Багаҭелиа ишиҳәаз ала аԥара иҵегьы еизгахоит. Аконцерт анаҩсгьы ацәыргақәҵа мҩаԥган. Уи аҟны асахьақәа ирхҭнырхыз аԥара шьҭхоит ҳфонд ахь.
Ацхыраара иаҳәо ауаа рхыԥхьаӡара маҷым, мызкы жәохә-ҩажәа ҭаацәара анҳадҵаало ыҟоуп. Урҭ рахьынтә ҩыџьа инареиҳамкәа ацхыраара рыҭара ҳахьӡоит", — лҳәеит Џьынџьалԥҳа.
Абри атемала еиҳа инарҭбаау аинформациа шәоур шәылшоит абра>>