"Жьҭаара 24 инаркны 25-нӡа, еиҳарак ахаша ахәылбыҽха инаркны аԥшьаша ауханӡа, амш бааԥсхоит. Зны маҷ-маҷла ақәа леира иалагоит, нас ақәыршҩы ахь ахы архоит, аԥша ӷәӷәа асрагьы иалагоит. Уи зыхҟьо аҳауа хьшәашәа аиҿагылара ауп, Атлантикатә хауақәыӷәӷәара лаҟәы иаанаго ауп. Урҭ еишьҭаланы Аԥсны иахысуеит, амшын аҟнытә иҭыҵны иахьаауа иахҟьаны аԥша, ақәа ӷәӷәахоит, 15-17 метра рҟынӡа, иахьаарту аҭыԥқәа рҿы аԥшасра секундкала 20 метра рҟынӡа инаӡар ҟалоит", — ҳәа азгәеиҭеит Цәышба.