АҞӘА, жьҭаара 25 – Sputnik, Бадраҟ Аҩӡба. Ашьапылампыл азы Аԥсны Афедерациа ахада Џьума Кәарацхьелиа изаамҭанытәиу XXVI ачемпионат абҵарамза алагамҭаз ихацҳаркуеит уи азы азҵаарақәа ҳрылацәажәараны ҳаҟоуп жьҭаара 27 рзтәи ҳаизараҿы ҳәа иҳәеит Sputnik аинтервиу анеиҭоз.
"Аизара мҩаԥысуеит жьҭаара 27 рзы. Ҳусура иныҭкааны ҳалацәажәашт", — иҳәеит иара.
Ашьапылампыл азы Аԥсны Афедерациа аӡбрала 2018 шықәса инаркны ареспубликаҿ ачемпионат мҩаԥыслоит ҭагалан-ааԥын асистемала.
"Уи ахәмарыҩцәагьы ахәаԥшцәагьы рзы иманшәалоуп. Иагьшорам, иагьхьҭам. Адунеи зегь аҿы абри асистемахь ииасхьеит. Ҳаргьы ҳаиасит", — иҳәеит Кәарацхьелиа.
Ашьапылампыл азы Аԥсны Афедерациа ахада Џьума Кәарацхьелиа иажәақәа рыла изаамҭанытәиу XXVI ачемпионат абҵарамза алагамҭаз ихацыркхоит.