Федоренко: Аԥсны ашьапылампыл абзиабаҩцәа рацәаҩны иамоуп

Анапаҵаҩра
НовостиTelegram
Жьҭаарамзазы, Уарлам Лакрба ихьӡ зху астадион аҿы имҩаԥысраны иҟоуп Аԥсны ашьапылампыл абзиабаҩцәа рлига актәи аетап.

АҞӘА, цәыббра 24 – Sputnik. Сынтәа, ашьапылампыл абзиабаҩцәа рлига актәи аетап иалахәхоит 15 команда ҳәа радио Sputnik иазеиҭеиҳәеит атәыла ашьапылампылтә лига адиректор Витали Федоренко.

Иара иажәақәа рыла ҩышықәса рыҩныҵҟа иара акыр алаҵәара аиуит.

Футбол. Нарт - Динамо Сухум. Архивное фото - Sputnik Аҧсны
Ҳаџьымба ашьапылампыл азы: аклубқәа рылшара аҳәаа иҭыҵуеит

"Ҵыԥх ареспублика зегь аҟынтәи иқәгылон 17 команда. Ҳара асоциалтә ҳақәа зегь рыла ирылаҳҳәон ашьапылампыл абзиабаҩцәа рлига шаԥаҳҵаз азы. Уи ҳақәҿиеит ҳәа уҳәар ауеит, избанзар сынтәа алахәылацәа рацәаҩуп", — ҳәа еиҭеиҳәоит Федоренко.

Адиректор иазгәеиҭеит абзиабаҩцәа рлига иалахәызар зылшо ипрофессионалым ашьапылампыласыҩцәа шракәу, шықәсыла— 15 — 60 рхыҵуазар шауа.

"Ахәмаррақәа рҟны ихадоу агәаҳәароуп. Уи азы ақалақь, араион акоманда еизгатәуп. Ипроблема хаданы иҟоу — афинансқәа роуп. Ҵыԥх ҳара ҳалшарақәа рыла ахәмаррақәа мҩаԥаагеит. Акомандақәа иҟарҵаз алагалақәа рыла ашьапылампылтә дәқәа раренда, ахраҿақәа раахәара уҳәа ирызҳархеит", — иҳәоит Федоренко.

2017 шықәса рзы актәи аҭыԥ ааныркылеит Гәдоуҭа акоманда, аҩбатәи – Гәылрыԥшь акоманда, ахԥатәи – гаграа. Зынӡа ахәмаррақәа рхы рыладырхәит 300-ҩык.

Алига ахалархәразы арзаҳал анашьҭра ҟалоит Аԥсны ашьапылампыл Афедерациа аофис ахь цәыббра 25 инаркны, иара убасгьы абарҭ аномерқәа рахь аҭел шәасыр алшоит: +7(940) 770 24 16; +7(940) 995 15 42.

Ажәабжьқәа зегьы
0