АҞӘА, абҵара 4 – Sputnik, Бадраҟ Аҩӡба.Дмитри Ӷәазаа Урыстәыла ахраҿа игеит Mitjet 2L акатегориа PRO аҿы, абри атәы Sputnik иазеиҭеиҳәеит аспортсмен ихаҭа.
"Аԥхьатәи аикәшараан смашьына ԥхасҭахеит, амеханикцәа иара ирласны иҟарҵеит. Уи иахҟьаны саамҭа иацлеит, аха исылсыршеит аԥхьа анеира. Аҩбатәи аиԥхныҩлараан сыццакыра иҟалар шалшоз аасҭа иагны избеит, скоманда алахәыла Данил Иванов (акоманда "Lukoil Racing Team" – аред.) дсышьҭырц сыӡбеит", — иҳәеит иара.
Дмитри Ӷәазаа афбатәи аетап аҩбатәи аикәшараҿы аҩбатәи аҭыԥ ахьникылаз игәы иалам.
"Сара смашьына иамаз агхақәа ирхырҟьаны аццакыра азхомызт, аха Урыстәыла Ахраҿа ҩынтәны агарагьы гәыҭгароуп", — иҳәеит иара.
Аԥснытәи аспортсмен Дмитри Ӷәазаа Урыстәыла ахраҿа игеит Mitjet 2L акатегориа PRO аҿы, Шәачатәи автодром аҿы, амҽыша, абҵара 4 рзы.
Акласс Mitjet 2L шьаҭаркын Франциа 2012 шықәса рзы. Иахьазы Mitjet 2L ахархәара ду аманы иҟоуп Франциа, Италиа, Германиа, Урыстәыла, Америка.. аиԥхныҩларақәа ирылахәуп 40 рҟынӡа машьына.