Мықәԥҳа амузыкатә проект "Абжьы зхоу" иазкны: есышықәса имҩаԥаагалоит
© Sputnik
"Аицлабра "Абжьы зхоу" хықәкыс иамоуп: абаҩхатәра злоу аҿарацәа ралԥшаара, рӡыргара. Иара аиҿкаара сгәы иҭоижьҭеи акрааҵуан. Аицлабра рхы аладырхәыр рылшоит жәшықәса зхыҵуа инаркны 16 шықәса зхыҵуа рҟынӡа. Алԥшаарахь инеирц зҭаху зегьы аҭел иасны рҽанырҵарц рылшоит. Сынтәа, ҳара иалаҳхуеит 16-ҩык, иалԥшаахо ҩгәыԥкны еихшахоит. Сынтәа иақәымшәо ҳаԥхьаҟа днеирц илшоит, иара есышықәса имҩаԥаагаларц ҳгәы иҭоуп", - ҳәа азгәалҭеит Мықәԥҳа.