АҞӘА, ажьырныҳәа 18 - Sputnik. Аԥсны иҟоу Урыстәыла Аладатәи арратә округ аррамаҵзурауаа 2018 шықәса ирылагӡаны 200 рҟынӡа ҽазыҟаҵара мҩаԥыргеит еиуеиԥшым аҭагылазаашьақәа рҟны ҳәа аанацҳауеит арратә округ апресс-маҵзура.
Аҽазыҟаҵарақәа раан амотохысцәеи асапиорцәеи, анџьнырцәеи, арадиациатәи, ахимиатәи, абиологиатәи хьчара аҟазауааи, аԥшыхәцәеи, амедикцәеи рҽеилархәны имҩаԥыргоит еиуеиԥшым аҭагылазаашьақәа раԥырҟәҟәаара алыршашьа.
Иара убасгьы аруаа имҩаԥыргон абџьар зку абандиттә еиҿкаарақәа ржәылара аанкылашьазы ауснагӡатәқәа.
Аҽазыҟаҵарақәа иҟалар зылшо аҭагылазаашьа азааигәатәразы урыстәылатәи аруаа рхы иадырхәоит аимитациатә хархәагақәа.
Аҽазыҟаҵарақәа ирыдыԥхьалоуп зықьҩык рҟынӡа аруаа, шәкыла арратә техника - БТР-82АМ, "Тигр" уҳәа назлоу.