АҞӘА, абҵара 15— Sputnik. Аладатәи арратә округ апресс-маҵзура аиҳабы Вадим Астафьев ажурналистцәа ирзеиҭеиҳәеит Аԥсны иҟоу арратә база иҿыцӡоу техникала 70% рыла еиқәыршәоуп ҳәа. Абри атәы аанацҳауеит РИА Новости.
"Аԥсны иҟоу арратә база иҿыцӡоу абџьари атехникеи рыла ала 70% еиқәыршәоуп", - ҳәа иҳәеит иара.
Зынӡа Аԥсны игылоу ар ирымоуп 700 цыра арратә техника. Арахь иаҵанакуеит: атанкқәа Т-72Б3, акәылӡтәы транспортерқәа БТР-82АМ, амобилтә комплексқәа "Леер-2", акәылӡтәы машьынақәа "Тигр", "Камаз", "Мустанг", МТ-ЛБВ, ареактивтә системақәа "Град", анџьныртә машьынақәа, арадиолокациатә станциақәа.
Абџьари атехникеи арахь иааргоит арратә зауадқәа рҟынтәи автомабилтәи ма адәыӷбатәи транспорт ала.
Атехникеи абџьари абазахь раагара ашьҭахь дара хымԥада аҽазыҟаҵарақәа раан рхы иадырхәоит, аҭыԥ аҿы рҟазшьақәа азгәарҭоит.
