АҞӘА, жәабран 14 – Sputnik, Бадраҟ Аҩӡба. Инал Гаделиа Донецк имҩаԥысуаз Валентин Руслиаков иаԥхьахә аиуразы дзиудо азы V Жәларбжьаратәи атурнир аҿы аиааира игеит.
Аԥснытәи аспортсменцәа абокс азы аиндаҭлараҿы рхы бзианы иаадырԥшит
"Атурнир амҩаԥысра мызк шагыз ааԥхьара ҳауит. Еснагь еиԥш, аҽазыҟаҵарақәа мҩаԥызгон", - ҳәа иҳәоит аспортсмен.
Инал Гаделиа актәи ақәгылараан диндаҭлон урыстәылатәи аспортсмен. Ҩ-минуҭк рышьҭахь Инал аиааира игеит.
"Аҩбатәи ақәгылараан Лугансктәи аспортсмен синдаҭлон. Акыр ҳаидхалеит, аха аҵыхәтәаны аиааира згеит. Афинал аҿы Донецк ахаҭарнак сиқәшәеит. Уигьы ииааира сылшеит", - ҳәа иҳәоит Гаделиа.
Инал Гаделиа 23 шықәса ихыҵуеит. 73 кьыла иҟоу рыбжьара дықәгылоит.
Жәабран 10-12 рзы Донецк имҩаԥысуан Валентин Руслиаков иаԥхьахә аиуразы дзиудо азы Жәларбжьаратәи атурнир.