АҞӘА, хәажәкыра 20 – Sputnik, Бадраҟ Аҩӡба. Ашьапылампылазы Аԥсны ачемпионат аабатәи атур аҳәаақәа ирҭагӡаны аҟәатәи "Нарҭ" афонтәи акоманда ацыхәмарраан аиааира агеит 4:0 ҳәа Sputnik иазеиҭеиҳәеит ареспублика ашьапылампылтә лига адиректор Витали Федоренко.
Абри ахәмарра аԥхьа "Нарҭ" амилаҭтә еиндаҭлара атурниртә таблицаҿ актәи ацәаҳәаҿы игылан 18 очко аманы, афонааи гаграаи аҩбатәи аҭыԥ еицеиҩыршон.
12-тәи аминуҭ алагамҭаз "Нарҭ" ахьчаҩбжа Шабаҭ Логәуа ахәмарратә ԥхьаӡара ааиртит. Актәи атаим нҵәаанӡа аҟәатәи акоманда иалшеит аҽаҩынтә "Афон" амбаа мпылаҭаршәра: 23-тәи аминуҭ азы ихы аликааит Гига Бениӡеи, 42-тәи аминуҭазы – Ҭимур Агрба.
Аҩбатәи атаим аҿгьы "Нарҭ" ахәмарыҩ Гудиса Ҟаитан аҵыхәтәантәи ампыл амба иҭеиршәти. Ахәмарра хыркәшахеит 4:0 ҳәа.
Ашьапылампыл азы Аԥсны ачемпионат иалахәуп акомандақәа фба: "Нарҭ", "Гагра", "Риҵа" "Афон", "Самырзаҟан", "Динамо".