АҞӘА, мшаԥы 15 - Sputnik. Амшынеиқәатә флот аӷбақәа мшаԥы 14 рзы Амшын еиқәа аҵакыра иҭалаз ЕАА рырра-мшынтә флот аӷба "Росс" иашьклаԥшуеит ҳәа аанацҳауеит РИА Новости.
Амшынеиқәа акваториа ианҭала инаркны "Росс" ашьклаԥшра иалагеит афлот арадиотехникатә хархәагақәа.
Мшаԥымза алагамҭазы алианс атәылақәа Амшын еиқәаҿы Украинеи Қырҭтәылеи рыдгыларазы ауснагӡатәқәа рыдыркылеит. Вашингтон аиԥылараҿы ирыдыркылаз адокумент иазԥхьагәанаҭоит аҽазыҟаҵарақәа, аинформациа аимдара, акваториа абаӷәазақәа рҭалара.
Урыстәыла Адәныҟатәи аусқәа рминистрраҿ аҳәамҭа ҟарҵеит аҵыхәтәантәи аамҭазы НАТО ахымҩаԥгашьа арегион аҿы аҭынчра шыҵнашәаауа. Убри аан НАТО ахымҩаԥгашьа "урыстәылатәи агрессиа аанкылара" ҳәа ахнаҳәаауеит.