АҞӘА, мшаԥы 19 - Sputnik. Украина ахадаразы зкандидатура ықәгылоу Владимир Зеленски аиааира игар, ивагылараны иҟоу рыӡбахә иҳәеит.
Абри аҩыза аҳәамҭа ҟаиҵеит аканал "1+1", апрограмма "Право на власть" аефир аҿы ҳәа аанацҳауеит РИА Новости.
• аҩнуҵҟатәи аполитика азҵаарақәа инапы ианҵахоит алхратә штаб ахаҭарнак Дмитри Разумков,
• жәларбжьаратәи аполитикеи, аекономикеи, афинансқәеи – уаанӡатәи афинансқәа рминистр Александр Данилиук,
• азинхьчаратәии акоррупциаҿагыларатәи усура рнапы ианҵахоит акандидат ихаҭарнакцәа Руслан Риабошапка, Галина Ианценко, Денис Монастырски,
• ашәарҭадареи атәылахьчареи рзы – Иван Апаршин,
• аекономикатә хырхарҭа — Даниил Гетманцев,
• абанктә усура— Викториа Стахова,
• аӡбаратә система ареформа аиҭакра лнапы ианҵахоит Ирина Венедиктова,
• аекологиатә хырхарҭа – Олег Бондаренко,
• алхратә закәанԥҵара – Сергеи Кальченко,
• атарифқәеи аенергетикеи рекспертс дҟалоит Андреи Герос,
• аҵареи аҭҵаарадырреи – Сергеи Бабак,
• амедицинатә хырхарҭа - Евгени Комаровски,
• аидеологиатә блок – Руслан Стефанчук.
Украина ахадарахьы акандидатцәа рреитинг шьақәдыргылеит Киевтәи жәларбжьаратәи асоциологиа аинститут аусзуҩцәа. Владимир Зеленски актәи атур аҿы аԥыжәара иоуит. Аҭҵаарақәа инарықәыршәаны, Зеленски изы амҽыша абжьыҭира ргәы иҭоуп 72,2%, Пиотр Порошенко изы – 25,4% респондент.
2,5% алхыҩцәа абиуллитен ԥхасҭартәуеит ҳәа рыӡбеит. Зеленски идгылаҩцәа рҟынтәи 81,8% агәра ганы иҟоуп иара атәыла ахадас дҟалароуп ҳәа, 12,8% – ргәи-ргәи еилаԥшуеит, 4% - вариантк аҳасабала ихәаԥшуеит. Порошенко иоуп атәыла ахадара заҭәашьатәу ҳәа ирыԥхьаӡоит изазҵааз рҟынтәи 75,7%, 22% - ргәи-ргәи еилаԥшуеит, 1,8% - вариантк аҳасабала ихәаԥшуеит. Изазҵааз реиҳараҩык (57,2%) Зеленски аиааира игоит аҩбатәи атур аан ҳәа рыԥхьаӡоит. Порошенко ииааира иақәгәыӷуеит 14,1%. Аҭҵаарақәа мҩаԥысуан мшаԥы 9 - 14 рзы, Украина арегионқәа зегьы рҟны, Донбасси Лугански аламҵакәа. Иалахәын 2004 респондент.