АҞӘА, мшаԥы 23 – Sputnik, Бадри Есиава. Аԥснытәи аҳәынҭқарратә университет аҿы, аҩаша, мшаԥы 23 рзы алифҭ ашахтаҿ амцакра ыҟан ҳәа Sputnik акорреспондент изеиҭеиҳәеит Аҟәеи Аҟәа араиони рҟны амцарцәаратә ҟәша аиҳабы Ҭимур Кәыҵниа.
"Ҳара ауниверситет ахь ҳанхала ахыбра алаӷәра лҩала иҭәын. Насоуп ианааба алифт ашахҭаҿ амцакра шыҟаз. Уажәазы амца ырцәоуп, уи амзызқәа рышьақәыргылара ҳаҿуп", - ҳәа иҳәеит Кәыҵниа.
Иара убасгьы иазгәеиҭеит иҟалаз ауниверситет ахыбраз ԥырхага ҟанамҵеит ҳәа.