АҞӘА, лаҵара 2 - Sputnik. Урыстәылатәи арратә база антитеррор аҟәшақәеи арратә полициеи аицҽазыҟаҵарақәа мҩаԥыргеит Ермантәыла, Аԥсны, Аахыҵ Уаԥстәыла рҵакыраҿы ҳәа аанацҳауеит РИА Новости Аладатәи арратә округ апресс-маҵзура анапхгаҩы Вадим Астафьев иажәақәа ҵаҵӷәыс иганы.
"Аҽазыҟаҵарақәа раан аррамаҵзурауаа акәылӡтәы автомашьынақәа "Тигри" "Тайфуни" рыла абаза арратә қалақьқәа рҵакыра ахьчаразы апрактикатә уснагӡатәқәа мҩаԥыргеит", - ҳәа иҳәоит Астафьев.
Ашәарҭадаратә система агәаҭараан аррамаҵзурауаа аус рыдырулеит арратә полициа рнырра азҵаарақәа. Иара убасгьы иҭҵаан антитеррор аҟәшақәа апрактикатә ус разыҟаҵашьа.
Иааидкыланы ауснагӡатә иалахәын зықьҩык рҟынӡа аррамаҵзурауаа, 70 ак арратә техника, акәылӡтәы транспартиорқәа БТР-82А, ашьаҟауаа реибашьыга машьынақәа БМП-3, аԥырҩы дызҭам аԥрыгақәагьы абрахь иналаҵаны.